Јелена Карлеуша веќе подолго време го најавува својот нов албум. Соработката со покојниот Милан Радуловиќ Лаќа беше турбулентна, а за нивниот конфликт таа се осврна во последната објава на Инстаграм.
Таа го објави текстот на песната што тој ѝ ја напишал пред смртта, а бидејќи нема да се најде на албумот, песната им ја подарила на своите следбеници.
– Имам потреба да споделам со моите обожаватели, но и со медиумите некои информации поврзани со мојот нов албум, како и за моите соработници. Како што знаете, на мојот албум неколку текстови напиша и покојниот Милан Радуловиќ Лаќа, а однапред ги платив текстовите што ги напиша. За жал, Лаќа во последната фаза од животот имал голем проблем, а тоа е злоупотребата на опијати. Во таква состојба многупати ме замоли да му дадам пари однапред, за идна работа, што, за жал, не се случи. И несебично му дадов пари, а моите колеги можат да го потврдат тоа. Кога притисокот стана преголем, кога решив дека заради него не сакам да давам пари што ќе ги троши на опијати, Лаќа почна да ми се заканува со објавување на тие текстови, што на крајот почна и да го прави тоа во состојба на растројство, а подоцна се извини, како што знаете.
– Зошто го пишувам ова? Лаќа не го направи само тоа. Тој реши да им ги препродаде текстовите што уредно ги купив на други пејачи. Така, тој ги продаде моите платени текстови на други пејачи и зема пари иако знаеше дека ги напишал за мене и дека се целосно платени. Пари многу му требаа бидејќи наркоманијата е големо зло, поголемо од секоја болест и болка. Така, не само што ме уценуваше, ми се закануваше, објавуваше мои текстови, туку повторно ги продаде и ги измами сите. Еден од текстовите напишани за мојот албум и кој ми припаѓа мене е текст кој е завршен на 15 декември 2021 година. Песната се вика „Кока“. Поради информација дека таа песна ја направил Лаќа, дека го направил тоа што го направил, таа песна беше симната и заменета со друга. За моја среќа, на албумот останаа само две песни и еден рефрен од третата што ја напиша Лаќа. Дел од едната ја објави на Твитер, останатото е зачувано и ќе биде вклучено во албумот. Како сопственичка на текстот „Кока“, во следниот „стори“ (на Инстаграм) ќе ја дополнам сосе датумот и ќе ја подарам, бидејќи јас сум сопственичка – напиша Карлеуша.
