И водителката Јована Јеремиќ се осврна на актуелната тема која предизвика бура во јавноста – приведувањето на пејачката Северина Вучковиќ на српската граница.
Северина во неделата на 25 август беше приведена на разговор на српската граница, што предизвика големо медиумско и јавно внимание.
Српската полиција спровела редовна постапка, како и за сите лица чии изјави српските државни органи ги сметаат за сомнителни, а Северина потоа доброволно се вратила во Хрватска, иако ѝ бил дозволен влез во Србија.
„Видов се, се ми е јасно, да. Тоа го коментирам на двоен начин. Првиот, сметам дека јас сум секогаш за некое средно решение и јас нема да ја нападнам Северина како што тоа го прават повеќето. Туку ќе се поставам објективно. Значи, ако тоа била редовна процедура, како што била, како што и Ивица Дачиќ рече, тоа е во ред. Јас не знам што се случувало таму. Но едно нешто е сигурно. Србија не е земја која ја покажувала својата сила на начин што би малтретирала некого. Па така, сигурна сум дека Северина не била малтретирана во тоа задржување на граница. Ако е тоа редовна процедура, тоа е океј. Но исто така не треба ни неа да ја сатанизираме на начин како што некој тоа го прават, зашто тоа е контрапродуктивно и за самиот Александар Вучиќ. Испаѓа дека е ова некој тиранин, некој деспот кој сега малтретира една хрватска пејачка, што не е точно. Александар Вучиќ не е таков. Тој прво е добар човек, а потоа е и голем демократ во срце. Тој е толку мек човек што некогаш и претерува што е дотолку мек, искрено да ви кажам“, вели Јована и додава дека ова случување не ѝ се допаѓа.
„Ќе ја заштитам Северина од една страна, ако е таа во право. А од друга страна, Северина мора да знае дека процедурите се процедури, кои би важеле и за неа и за мене и за сите. А од трета страна, ако ѝ ги поставиле прашањата што таа ги тврди, тоа не е во ред. Мислам, не знам што се случило, но само се обидувам да бидам објективна. Едно е сигурно, таа е мајка на Србин, таа е сопруга на Србин. Дури и на видеото кое е познато, по кое таа се прослави, видеото од јахтата, воопшто не гледам негативно…“, заклучува водителката за српски „Телеграф“
