36-годишната Кетлин „Кик“ Кенеди, со која неодамна беше забележан 52-годишен актер Бен Афлек, не е новајлија во неговиот живот. Пред неговата повторна средба со Џенифер Лопез, тој се забавуваше со претставничката на едно од најпознатите американски семејства, пишува Дејли мејл, повикувајќи се на свои извори.
Ќерката на Роберт Ф. Кенеди Џуниор и оскаровката холивудска славна личност, според упатените, „уживаат во нивното заеднико време“, меѓутоа, Кик сè уште не е подготвена јавно да зборува за оваа врска.
„Бен и Кик имаа афера пред тој да ѝ се врати на Џеј Ло. Тие се запознаа во Бостон, каде што Бен извесен период живееше, а кога живеете во Бостон, семејството Кенеди се кралско семејство. Така, кога тој почна да се дружи со Кик, тој навистина беше сериозен за љубовна романса, но таа беше премногу млада и не беше подготвена за нешто сериозно“, им рекол изворот на новинарите на Дејли меил.
Според неговите зборови, кога Бен повторно се сретнал со Џенифер, тој не бил во врска со Кик.
„Тие немаа никакви афери за време на неговиот брак со Џенифер, но за пријателите на Кик е интересно што веднаш штом се случи разводот, Бен одеднаш почнал да поминува време со старата љубов чие семејство го смета за кралско“, раскажува инсајдерот.
Тој додаде дека госпоѓица Кенеди смета дека Бен е многу паметен и дека е „во нејзин стил“.
„Таа нема ништо заедничко со Џеј Ло, воопшто не е како неа и сака да го задржи својот личен живот приватен, исто како што сака и Бен“, забележал изворот.
„Кик не е загрижена како Лопез ќе реагира на одлуката на Афлек да ја обнови старата романса бидејќи го сака Бен и „не и е грижа што мисли Џеј Ло“, додава изворот.
Друга личност блиска до познатите личности вели дека парот сега подобро се запознава:
„Бен минува време со Кик, но сè уште е рано да се каже дека се во врска. Тие се засега пријатели и сакаат да го поминуваат времето еден со друг, а вистина е дека таа навистина не размислува што ќе мисли Џеј Ло за нејзиното дружење со Бен. Тој за неа е одличен човек и тие се уште се запознаваат“.
View this post on Instagram
За сега ни Кик ни Бен не го коментираат нивното дружење.
