Пејачката Јелена Карлеуша неодамна ја нападна Теа Таировиќ поради нејзиниот настап за православната Нова година, организирана на Плоштадот на Републиката. Позната по остриот јазик, Карлеуша не штедеше зборови, а потоа повторно проговори и уште еднаш удри по својата колешка.
ЈК истакна дека Теа не вложила доволно труд на овој концерт, и дека го копирала нејзиниот стајлинг. Но, сега продолжи со прозивката и истакна дека песната „Хајде“ всушност е од албанско потекло, како и дека пејачката со неа извела традиционален албански танц.
Овој пат ја спомена и Селма Бајрами, која неодамна се најде во центарот на скандал кога во јавноста стигна видео на кое таа пее албанска песна на прослава и покажува двоглав орел, за што беше остро осудена од јавноста.
„Кога Теа Таировиќ пред некој ден пееше албански песни, во срцето на Белград, на српската новогодишна ноќ пред Народниот театар, немаше осуда. А и зошто би имало? Музиката обединува и не познава граници. Белград е метропола и е отворена за сите луѓе. Но… Зошто едните се осудуваат, а другите не? Не смееме да бидеме лицемери“, порача Карлеуша преку „стори“ на Инстаграм.
