15.8 C
Скопје
09:35 - 29 март, 2024

Италијанското село Кастропињано ги продава куќите за едно евро

Ако отсекогаш баравте причина да се преселите во Италија и да живеете во мир, во едно средновековно италијанско село сместено на врвот на ридот, куќите се продаваат за едно евро.

Instagram

Живописното село се вика Кастропињано и се наоѓа на југот на Италија, во регионот Молизе во близина на Јадранското Море. Цените се неверојатно ниски, а може да ги најдете и оние од едно евро. Идејата е повторно да се населат руралните области што со години, па дури и со децении, се борат со депопулација.

Идејата не е да се организираат аукции, туку да се спојат сопствениците со домот кој е идеален за нив и во согласност со нивните потреби и желби.

Ги поканувам сите што сакаат да купат нова куќа, да ми испратат електронска пошта и да наведат детален план за тоа што сакаат да направат со куќата. Дали сакаат тоа да им стане дом, да го претворат во продавница или нешто друго. Исто така, нека наведат дали имаат некои посебни потреби, како што е премин за луѓето во инвалидска количка. Селото е мало и автомобилите не можат лесно да минуваат низ тесните улички – рекол градоначалникот Никола Скапилати за Си-ен-ен, додавајќи дека тоа е мирно село со само еден ресторан, кафуле, аптека и неколку платени сместувачки капацитети. Селото има повеќе од 100 напуштени куќи и Скапилати е фокусиран на долгорочен развој и раст:

Не сакам инвазија на купувачи. Ние нудиме само мир, тишина, чиста природа, свеж воздух, одличен поглед и фантастична храна. Идеално за одмор од дневниот стрес – додал тој.

Instagram

Селото има околу 900 жители (имало повеќе од 2.500 во текот на триесеттите години на минатиот век), а 60 отсто од нив се постари од 70 години. Повеќето семејства се преселиле во поголемите градови по Втората светска војна.

Instagram

Што се однесува до самата цена, може да платите само едно евро за куќата, но има депозит од 2.000 евра, што ве обврзува на целосно реновирање во рок од три години. Депозитот ќе ви биде вратен откако ќе го реновирате имотот, а Скапилати проценува дека просечното реновирање би било околу 30.000 или 40.000 евра поради големата штета што е присутна на повеќето згради.

Слични објави

Шокантни детали за Шарлин и Алберт од Монако: Таа троши како луда, а тој ги плаќа и љубовниците

еспресо

Астропрогноза за петок, 29 март: На Бикот ќе му се врати старата љубов, Лавовите ќе бидат кралеви на денот

еспресо

Дожд од пари: Три хороскопски знаци конечно ќе го решат финансиското прашање

еспресо

Харис Џиновиќ ја отвори душата: „Таа побегна, ни со децата немаше контакт, баш добра мајка!“

еспресо

(Видео) Миа Костова стана жртва на измама: Не рекламирам чаеви за слабеење, не наседнувајте на лажни реклами

Еспресо

(Фото) „Моите деца ме подмладуваат“: Симона Поповска го прослави 32. роденден со семејството

Еспресо
Се вчитува....