Кога ќе се спојат поранешната и сегашната љубов, малку кој би останал рамнодушен. Токму тоа се случи во Лос Анџелес кога Хејли Бибер и Селена Гомез се сретнаа и ги изненадија фановите со заедничка фотографија.
Пејачката и актерка Селена Гомез и манекенката Хејли Бибер и официјално ставија крај на долгогодишното непријателство. Селена, која со години му беше девојка на Џастин Бибер, и неговата сегашна сопруга Хејли позираа заедно на Галата на музејот на Академијата во Лос Анџелес.
View this post on Instagram
Познатиот фотограф Тајрел Хемптон на својот официјален инстаграм-профил објави фотографија на која Селена и Хејли прегрнати, со насмевки на лицата, позираат заедно. Единствениот што недостасува е оној кој всушност ги поврзува – Џастин Бибер.
„Пресврт на заплетот“, напиша фотографот во описот на објавата, која предизвика лавина од реакции и коментари. Фотографијата, која ја „лајкна“ и Хејли Бибер со молскавична брзина се рашири низ социјалните мрежи и таблоидите, а многумина веќе го нарекуваат овој настан „шоубиз вест на годината“.
Неодамна Хејли навести дека таа и Селена ги надминале младешките тензии и зрело продолжуваат да го градат пријателството.
View this post on Instagram
„Многу омразата доаѓа од погрешната перцепција, „Ох, го украде“. Тоа е затоа што сте сакале да завршеше со некоја друг и тоа е во ред. Можете тоа да го посакувате колку сакате, но едноставно не е така“. порача неодамна Хејли, осврнувајќи се на негативните коментари за нејзината врска со Бибер.
Врската на Џастин Бибер и Селена Гомез беше тинејџерска романса, а во периодот од 2011 до 2014 година тие беа во турбулентна врска во која често раскинуваа и се смируваа. Џастин го смири неговата сегашна сопруга Хејли, со која се ожени во 2018 година.
