Дани Димитровска воздивна па раскажа љубовна приказна, во издание во какво што не сме ја виделе досега. Таа објави видео на социјалните мрежи, на кое изгледа сексапилно, иако не е разголена.
Дани има појака шминка, облечена е во костум, со добро избран накит, а може да се забележи дека црвениот кармин одлично ѝ стои. Видеото кое почнува со воздишка е најава за нејзината нова песна „Заедно“, која наскоро ќе биде објавена.
-Во љубов веруваме, за љубов се молиме“, напиша пејачката до оваа слика како најава за нејзиниот нов сингл.
Инаку, на 13 септември поп-рок пејачката се омажи за својот сакан со кој е долги години во заеднички живот, поранешниот кошаркар Горан Веселиновски- Весел.
Пејачката блесна во две уникатни венчаници во нејзин стил. На свадбата која повеќе беше како забава пееше нејзиниот колега Ѓоко Танески, со поп и рок хитови. Тортата била многу уникатна, со цртани младоженец и невеста и срце на неа, а младенците биле многу весели.
Горан ја запроси Дани во јуни минатата година, а пејачката тогаш со голема радост ја објави фотографијата на Инстаграм, гордо покажувајќи го свршеничкиот прстен.
