Супермоделката Бела Хадид на својот Инстаграм профил напиша трогателна објава посветена на кралицата на панк модата и објави архивски фотографии со дизајнерката Вивиен Вествуд, која почина вчера.
View this post on Instagram
„Драга Вивиен, кралице на панкот. Од првиот ден кога се запознавме до последниот ден кога те видов, ме насмеа, слушав, учам и сакам повеќе од порано. Секогаш ќе ти бидам благодарна што ме стави во својата орбита, бидејќи за мене и за повеќето луѓе од светот на модата, ти, Вивиен, беше Сонцето. Ти си најкул, најзабавна, најскромна, најкреативна, најинтелигентна и најлегендарна личност досега. Моја инспирација и идол за се. Почивај во мир и љубов. Ќе ми недостигаш“, напиша Бела Хадид.
На трогателната објава супермоделот додаде серија архивски фотографии од различни години на кои се таа и дизајнерката.
На 29 декември 2022 година, Вивиен Вествуд почина мирно опкружена од своето семејство во Клафам, Јужен Лондон. Модната дизајнерка е родена на 8 април 1941 година. За нејзината работа, Вествуд беше наградена со Орден на Британската империја. Вкупно, повеќе од 500 бутици на Вивиен Вествуд се отворени ширум светот, а се произведуваат и неколку линии на облека.
