Во краток фустан со мотив на ружи и длабоко деколте, Елена Стефановска- Најдоски позираше како се подготвува за фотосесија.
Водителката која е позната по емисијата „Живот со стил“ навистина се пофали со нешто посебно, а на рилот кој го објави имаше и други нејзини фустани кои ги носела на различни поводи, сама или со сопругот, и сите биле уникатни на свој начин.
-Со Бојан сме заедно повеќе од шест години и постепено се навикнувавме еден на друг и можам да кажам дека и двајцата останавме доследни на себе. А клучот за да функционираме успешно кај нас беше што од самиот почеток си ги прифативме сите несовршености.
Ниту еден од нас не се трудеше да го промени другиот. Откако сум во брак, моите навики малку се променија во поглед на тоа дека сега сум повеќе ориентирана кон домот и семејството, и најсреќна сум во моментите поминати со мојот сопруг“, рече Елена во една прилика за „Слободен печат“
