Уна Чолиќ, ќерката на пејачот Здравко Чолиќ, се огласи на социјалните мрежи и откри дека го напушта проектот во кој требало да учествува, откако нејзиното име се најде во порака за која таа не дала согласност.
Уна сподели објава во која во пораките се споменува апликација за ресторани, а се наведува дека таа била поддржана и од Здравко Чолиќ и од Милош Биковиќ.
Ќерката на Чолиќ веднаш се огласи и наведе дека не станува збор за измама, но дека повеќе не сака да биде дел од таа приказна.
– Приказната не е измама, станува збор за апликацијата на моите пријатели на која се приклучив за да им помогнам. Во ниту еден момент не одобрив да се пишуваат такви работи, бидејќи тоа нема никаква врска – напиша Уна, додека во претходно споменатите пораки беше наведено дека секој што ќе се согласи да ја промовира апликацијата ќе добие реклама на инстаграм-профилот на Уна.
– Излегувам од целата приказна поради тоа, не сакам да бидам дел од неа. Секако, им посакувам среќа, бидејќи знам дека имаат одлична идеја, но вакви грешки не смеат да се прават – додаде постарата ќерка на Здравко Чолиќ.
