Популарната пејачка Селин Дион, која беше принудена да ги откаже повеќето концерти поради тешка болест, сподели за состојбата на своето здравје. Дион за ова проговори на својот инстаграм-профил.
Дион објави фотографија со своите синови и истакна дека нејзината болест навистина сè уште не и дозволува да се врати на сцената, но ѕвездата верува во нејзината победа над болеста.
View this post on Instagram
Селин го опиша своето тешко патување во борбата против болеста на следниов начин:
„Како што многумина од вас знаат, есента 2022 година ми беше дијагностициран синдром на вкочанет мускул, сложена болест на централниот нервен систем што предизвикува мускулни грчеви. Борбата со оваа автоимуна болест е еден од најтешките предизвици за мене, но јас сум сè уште целосно решена да се вратам на сцената и да живеам што е можно понормален живот“.
Таа изрази благодарност до своите деца и обожаватели за грижата и љубовта, а исто така им изрази поддршка на сите кои се соочиле со слична дијагноза.
„Сакам да знаете дека можете да ја надминете. Ние можеме да ја надминеме оваа болест”, рече Дион.
