Во мрежеста секси облека, Теа Трајковска се појави на настан во Националната опера и балет и провокативно позираше седната на гардеробата каде што се оставаат палтата.
Убавата пејачка всушност била на модната ревија на дизајнерот Митко Занов кој прослави 10-годишен јубилеј.
Првиот сегмент на настанот беше ретроспективна музејска поставка, која го прикажа досегашното творештво на Занов и развојот на неговиот дизајнерски ракопис низ годините. Вториот сегмент беше модна ревија на новата колекција.
– Се обидувам денот да ми почнува со позитивна мисла, а неизбежно ми почнува со аларм за будење и кафе. Не сум ранобудник, меѓутоа, ако распоредот на денот го налага тоа функционирам и од раните часови. Ааа да, и секогаш имам распоред на денот – рекла Теа Трајковска во една прилика за „Тренсетери“.
Инаку, таа беше многу блиска пријателка со Панчо и со Андреј од дуото „ДНК“ и тешко ја поднесе оваа загуба. Пејачката рече дека и двајцата ѝ биле како семејство.
