Српскиот фудбалер Немања Гудељ, сопругот на Анастасија Ражнатовиќ, вчера наврши 34 години. По тој повод, Анастасија јавно му се обрати со емотивни зборови.
Таа сподели интимни моменти од нивниот заеднички живот, објавувајќи серија фотографии и кратки видеа на својот инстаграм-профил и притоа со емотивна порака му рече колку е важен за неа. Таа сподели дел од познатата песна „Please Forgive Me“ на Брајан Адамс.
View this post on Instagram
– Те молам прости ми, не можам да престанам да те сакам. Среќен роденден, моја најголема љубов. Ти си сето она што една жена може да посака кај партнер и сопруг. И драгиот Бог те испрати во мојот живот за да ме направиш најсреќната жена на светот… Секогаш биди ми жив и здрав, сè друго ќе правиме заедно. Те сакам – напишала Анастасија.
На објавените снимки се менуваат сцени што го прикажуваат нивниот секојдневен живот, патувања и моменти на блискост, што веднаш привлече големо внимание кај нејзините следбеници.
Објавата беше придружена со кратка, но емотивна порака упатена до фудбалерот, во која Анастасија јасно стави до знаење колку е важна неговата љубов и присуство за неа.
Нејзиниот гест доби многу позитивни реакции.
Анастасија и Гудељ се многу религиозни, а тој неодамна откри како гледа на бракот и односот меѓу сопруг и сопруга.
– Одржувањето на мирот во семејството е Божја заповед. Мажот е должен, според светиот апостол Павле, да ја сака својата сопруга како себеси. Апостолот ја споредил жената со Црквата. Таква е возвишеноста на бракот – пишува во неговиот пост каде што ја означил Анастасија.
