Фолк дамата Блага Петреска во мај месец рече дека за првпат на фолк фест Валандово пеела пред 40 години.
Таа тогаш ја испеала песната, „Раширило оро широко, по селските мегдани“, и рече дека по 40 години пее за празни села без мегдани, без младина, без деца, за места кај што нема кој да заигра оро и да се запее песна. Фолк легендата тогаш раскажа дека е многу тажна што е така.
Блага рече дека таа жали што нејзините внуци не се до неа, едната е во Германија, а другата е во Москва.
Но, таа е една весела и позитивна жена и плени со ведра дух, иако животот не ја галел. Таа млада останала без маж. И после многу години таа со болка раскажува за нејзиниот сопруг Павле.
„Мене ми се случи вистинска љубов и две деца од истата. Кога останав сама одлучив да не ги повредам моите деца затоа што тие многу го сакаа татка си. Сите тројца седнавме и се договоривме дека јас ќе работам и хонорарно за ништо да не им фали, само да учат, да завршат факултет. Така и бидна“, раскажала Блага за „Свет Австралија“.
Една нејзина неодамнешна слика открива колку има живот во неа. На сликата, пејачката е без шминка, а во друштво со колегите Ани Малинкова и Ристо Лијаковски. На 78 години, Блага е пример за сила и позитивна енергија.
