Водителката и модел Данијела Димитровска упати емотивен поздрав до големиот моден визионер Џорџо Армани, кој почина на 91-годишна возраст и чие име засекогаш ќе остане во историјата на модата.
На својот Инстаграм профил таа сподели фотографија на која позира со познатиот дизајнер, а покрај неа напиша:
– Имав среќа да работам со него со години. Учев, гледав, апсорбирав. Секогаш учтив, смирен, секогаш со стил. Џорџо Армани не само што ја обликуваше модата, туку и сите нас што работевме со него – напиша Даниела и додаде:
– Благодарна сум што имав можност да бидам дел од таа приказна. Почивај во мир.
Армани е запаметен како титан на италијанската мода, човекот кој го трансформираше оделото од строга деловна униформа во симбол на елеганција и самодоверба.
Неговата смрт затвора големо поглавје во светот на модата, но неговото влијание останува да ги обликува идните генерации.
