Татјана Стојановска со години е водителка и Тв- презентерка која е посветена на негувањето на македонскиот литературен јазик. Некогашна Мис на Макдонија за 1992 година, таа и денес важи за една од најубавите жени во јавноста кај нас.
Десет години откако се свршија, ТВ-презентерката и нејзиниот партнер, бизнис консултантот Михаил Китановски, во јуни во 2023 година се венчаа пред најблиските.
-Пред точно 10 години, на 10 јуни 2013 година, Михаил ме побара за жена на нашиот прв одмор во Грција, и тогаш по неколку месеци од запросувањето, почнавме да живееме заедно. И точно на 10-годишнината од запросувањето, вчера стапивме и официјално во брак.
Регистрацијата и прославата се одржаа во хотел „Александар Палас“, заедно со нашите најблиски роднини и пријатели. Беше весело благодарение на групата „Соната“ и бисерниот глас на Кате, како и на нашите весели гости“, рече тогаш Татјана за „Слободен печат“.
Таа додаде дека одлуката на 10 јуни да ја официјализираат врската, токму на овој симболичен датум, ја донеле спонтано.
Татјана сподели романтични слики на плажа, од зајдисонце во кое ужива со својот сопруг. Михаил не е на сликата, но е означен, а двојката ги полни батериите на некоја од грчките плажи како да се уште на меден месец.
