Милена Антовска-Станковска е една од најубавите наши ТВ-водителки, препознатлива по утринската програма на Канал 5 телевизија долги години. Во една прилика, за „Еспресо“, таа зборуваше за својот стил:
-Облеката во мојот гардеробер се дели на облека за емисија, за излегување и за секој ден. За на работа, преферирам класичен стил, за излегување – фустани, за преку ден, кога немам обврски, може да бидам и во тренерки, фармерки и маичка или во некој блузон.
Важам за тип на жена што многу брзо се подготвува. Најчесто во глава веќе имам смислено комбинација за гардероба, се шминкам за 20 минути, така што за еден час сум готова.
Избегнувам да експериментирам дома, им се препуштам на професионалци кои добро ги познавам, а ме знаат и тие мене, ми ја знаат кожата на лицето, телото, косата итн“, рече водителката.
Милена откако се врати од одмор, им го разубавува денот на гледачите на Канал 5 ТВ, со нејзиниот стајлинг. Таа облече ултра кус фустан со бели високи потпетици за Утринската програма и сними видео во кое ги покажа долгите нозе, и фустанот кој одлично ѝ стои.
