Поп-ѕвездата Каролина Гочева деновиве престојува во Полска, и на Инстаграм сподели дел од атмосферата во главниот град, Варшава.
Пејачката објави фотографија од една од најпознатите знаменитости на полската престолнина, монументалната Палата на културата и науката, осветлена во вечерните часови.
Величествената зграда, која доминира над панорамата на Варшава, е еден од најпрепознатливите симболи на градот и омилена туристичка атракција, а токму нејзиниот ноќен изглед го привлече вниманието на Каролина.
Таа од своите патувања речиси секогаш објавува фотографии, покажувајќи дека покрај музиката, ужива и во откривањето на нови дестинации.
Пред два месеци, Каролина заедно со сопругот Михаил Корубин, престојуваше во Венеција, каде што го посети 61. издание на Венецијанското биенале, една од најзначајните светски манифестации за современа уметност, но и уживаше во убавините на градот.
Таа сподели низа фотографии од прошетките низ градот, но и од посетата на уметничките павилјони, вклучувајќи го и македонскиот национален павилјон, каде што е поставено делото „Пиета во прекривките на ургентноста“ на мултимедијалниот уметник Велимир Жерновски.
Ова не беше прва посета на Каролина на Венецијанското биенале. Таа и Михаил присуствуваа на јубилејното 60. издание на манифестацијата, кога ја посетија изложбата „Помеѓу надеж и страв“ на македонската претставничка Славица Јанешлиева.
Гочева важи за една од најголемите поп-ѕвезди во Македонија. Pрвите чекори во животот таа ги направила во семејната куќа во Битола.
Иако поп-ѕвездата веќе долги години живее во Скопје, во сите свои интервјуа таа со огромна гордост и емоции раскажува за детството поминато во Битола.
View this post on Instagram
