Новата песна на миленикот на генерацијата Зет, Јанг Дади, само што излезе и веќе стана хит. Пејачот важи за еден од најзабавните артисти на нашата сцена. По „Лидија“ која сè уште не излегува од глава, Дади овојпат пее за мамините синови.
Музиката и текстот на песната „Син на мама“ се дело на Дади, оригинално, штосно и забавно.
Тој пее за митот или вистината (одлучете сами) дека постојат мажи коишто и по адолесенцијата, засекогаш остануваат мамини синови, за оние на кои мама им одлучува сè во животот, па дури и изборот на животен сопатник.
Во интересниот видеозапис како главна улога, односно мајката на Дади, се јавува инфлуенсерката и поранешна водителка Миа Костова. Спотот прикажува како мајката одбира жена за нејзинот син. Костова ги мерка девојките што се дојдени на аудиција во нивниот дом и гласа со оцени.
Погледнете го видеозаписот до крај да видите што ќе се случи и дали Дади ќе рипне во тавче.
