Легендарната пејачка Силвана Арменулиќ го загуби животот во 1976 година по сообраќајна несреќа што се случи кај Колари, кога се враќала од настап. Со неа во автомобилот била и нејзината бремена сестра, Мирсада Бајрактаревиќ, која исто така загинала, како и виолинисот Раде Јашаревиќ.
За време на несреќата, пејачката била во брак со тенисерот Радмило Арменулиќ, а нивната ќерка Гордана имала само 12 години кога останала без мајка.
Гордана никогаш не ја прежали смртта на мајка си, а вчера со многу емоции сподели објава на својот фејсбук-профил по повод роденденот на Силвана.
„Мила мајко моја, среќен ти роденден“ – напиша Гордана постирајќи фотографија од мајка си која важеше за една од најубавите жени во поранешна Југославија.
Гордана, инаку, дипломирала математика и работи како професор во една гимназија. Има син кој не се експонира во јавност, а многумина велат дека очигледно Гордана ја наследила убавината од својата мајка.
