Поранешната мис на Украина, Анастасија Лена, објави на својот Инстаграм профил фотографија на која позира со пушка во рака.
Лена победила на изборот за убавина во 2015 година.
Невообичаено за една мисица, убавата Анастасија е вешта со оружје бидејќи неколку пати се натпреварувала во ерсофт. Сега таа позира на Инстаграм со пушка и повикува на одбрана на Украина.
View this post on Instagram
Лена не е единствената манекенка која го коментираше конфликтот. Руската манекенка и поранешен модел на „Викторија Сикрет“, Наталија Водијанова, на својот Инстаграм профил исто така ја коментираше ситуацијата и истакна дека „жените ќе го понесат најголемиот товар“.
„Како мајка, моето срце е насочено кон сите мајки кои ги трпат последиците од неодамнешните настани во Украина и кон сите оние кои се погодени од овој конфликт. Жените ќе го сносат најголемиот товар од овој конфликт и сакам да знаат дека не се сами. Не можам да помогнам сама, но како заедница можеме многу“, напиша таа.
