Пороен и силен дожд ја зафати општина Гостивар, а веќе бројни се пријавите за поплавени куќи, подруми и помошни објекти.
Поплавена е улица Бањешница, во општина Гостивар, но со поплава се соочуваат и жителите на на околното село Беловиште, општина Гостивар, каде поплавени се неколку куќи и патот во селото.
Во нас.Циглана, општина Гостивар, постои опасност од поплавување на куќи. На ул.Беличица, општина Гостивар, поплавена е куќа со помошнји објекти, а на ул.Трајко Јовановски бр.18 , општина Гостивар поплавени се подрумски простории од куќа.
Метеопрогнозерот Славчо Попоски веќе нагласи во изминатите денови дека граѓаните треба да бидат внимателни, а денес додава дека поројните поројните врнежи и грмежи ќе зачестуваат во следните денови.
– Нашата територија до првите денови од месец јуни ќе се наоѓа под влијание на циклонска активност со центар над Медитеранот, како и на влажна и на нестабилна воздушна маса. Времето ќе биде променливо облачно и топло со сончеви периоди. Од пладневните часови ќе има развој на нестабилна облачност, проследена со локална појава на пороен дожд, грмежи и засилен ветер. Поради големата енергија во Атмосферата, локално процесите ќе бидат ПОИНТЕНЗИВНИ и застапени во форма на НЕВРЕМЕ, проследено со интензивен пороен дожд, силен ветер, електрични празнења и со услови за појава на град – предупредува Попоски.
За нови, детални и по потреба обновени метео информации, следете го официјалниот фејсбук профил на Славчо Попоски тука!
Попоски предупредува на голема внимателност: Доаѓа невреме, еве кога
Насловна фотографија-анплаш
