Водителот Ненад Ѓорѓиевски и неговата сопруга Горана минатиот викенд го искористија да уживаат на топлото сонце покрај море.
Ненад, кој сега работи во Македонската радио телевизија, со сопругата се сликаше на плажа во Неа Плагија, каде што често одмараат последниве години.
На 1 септември, Ненад и Горана има посебен повод за среќа. Тие прославија 15 години љубов, и по тој повод, водителот објави романтично видео од нивната свадба на Инстаграм и напиша:
„15 години љубов, смеа и спомени! Од првиот ден до денес – сè што поминавме заедно ни е најголем благослов. Уште многу години исполнети со љубов, поддршка и соништа“.
„Со Горана сме во брак 15 години, а се знаеме и дружиме, веќе не знам ни јас точно, скоро половина мој живот. Се запознавме преку заеднички пријатели, а наскоро потоа почнавме и да соработуваме“, рече Ненад за својата сакана. Тие се родители на близнаците Иво и Љупка.
