Италијанската актерка Моника Белучи се појави на 48-то доделување на француските национални филмски награди Цезар.
View this post on Instagram
58-годишната Моника Белучи во концертната сала Олимпија во Париз дојде во целосно црвен моден изглед.
Актерката беше облечена во црвен фустан на Диор до подот, со длабоко деколте, плисирано здолниште и наметка.
Модниот изглед беше комплетиран со ѓердан од Картие.
Ова појавување беше прво за Моника Белучи откако се појавија гласини за нејзината љубовна врска со 64-годишниот американски филмски режисер Тим Бартон. Пред неколку дена папараците ги снимија Белучи и Бартон во Париз – шетаа рака под рака и се бакнуваа, а вчера осамнаа фотографии од вљубениот пар на улиците во Мадрид.
Според новинарите, романсата меѓу актерката и филмскиот режисер започнала по средбата на 14-тиот филмски фестивал „Браќата Лумиер“, кој се одржа во октомври минатата година во францускиот град Лион. Таму Бартон доби награда од рацете на Белучи.
