Во годината која ги брои своите последни денови бевме сведоци на бројни модни листи, но кога истите се создадени од модната библија „Vogue“, тоа е листа која има тежина.
Според редакцијата на британскиот „Vogue“, оваа година бевме сведоци на многу незаборавни модни моменти, но кога станува збор за континуирано постигнување модно совршенство, оваа година неколку дами кои доминираа.
Кејт Мос
View this post on Instagram
Британската модна икона Кејт Мос со својата доследност во боемскиот стил на облекување како што се кадифените џемпери и фустани во летните месеци, си го обезбеди своето место на листата на 12 најдобро облечени жени во светот.
Лејди Гага
View this post on Instagram
Лејди Гага оваа година ги исполни своите должности за промовирање на филмот „House of Gucci“ со иста посветеност како што го играше ликот на Патриција Реџиани. Настрана од вртоглаво високите потпетици и блескавите балски тоалети, оваа година Гага се појави во врвна модна комбинација и на инаугурацијата на претседателот Бајден.
Зендаја
View this post on Instagram
Зендаја оваа година блескаше на црвениот тепих благодарение на римејкот на филмот „Dune“. Заслужено, ѕвездата беше прогласена за стилска икона од Американското здружение на модни дизајнери (CFDA). Нејзините обожаватели се радуваа на ова признание бидејќи актерката навистина покажа камелеонски пристап кон модата. Зендаја откри дека одговорниот „архитект“ за нејзиниот имиџ е Ло Роуч.
Дуа Липа
View this post on Instagram
Една од најголемите поп ѕвезди на денешницата стана заштитно лице за млади модни таленти оваа година. Социјалните мрежи беа нејзината писта, се додека не го отвори шоуто на „Versace“ пропратена со сопствената музика. Липа и нејзиниот стилист Лоренцо Посоко се подготвени за големи модни чекори.
Ријана
View this post on Instagram
Како што одминуваше времето, стилската икона од Барбадос ја удвои својата модна моќ. На овогодинешното издание на Мет Гала, пејачката и нејзиниот партнер, раперот АСАП Роки дебитираа како пар и влегоа во историјата на овој настан благодарение на изданијата базирани на јорган.
Џордан Дан
View this post on Instagram
Британската убавица од модните писти отсекогаш била кралица на смелиот лондонски стил, а оваа година, според „Vogue“, била особено модерна. Како и многу девојки, така и Дан не можеше да одолее на креациите потпишани од албанската дизајнерка Ненси Дојак, а со црвениот фустан од дизајнерот на висока мода Андрее Броче на доделувањето на модните награди во Лондон,
никого не остави рамнодушен.
Исабел Хуперт
View this post on Instagram
Француската филмска сирена на Канскиот филмски фестивал годинава успеа да засени голем број од присутните гости носејќи тесен, црн фустан со потписот на модната куќа Баленсијага, очила за сонце и високи чизми. На гламурозната Мет Гала, таа го привлече вниманието во црвено-кадифениот балски фустан повторно дело на Баленсијага.
Џема Чан
View this post on Instagram
Џема Чан и нејзината стилистка Ребека Корбин-Мареј успеаја да постигнат неколку модни хитови оваа година. Тие и оваа година останаа верни на мисијата поставувајќи дела на азиски таленти на светската сцена. Актерката доминираше со блескав изглед за светската премиера на „Eternals“.
Анџелина Џоли
Никој не носи креации на „Versace“ како Анџелина Џоли, која лично ја замолила Донатела да создаде вселенски фустан што ѝ доликува на римската премиера на филмот на Марвел „Eternals“. Но, дури и овој неверојатно одличен моден момент не ја одреди нејзината блокбастер година во која ја промовираше суперхеројската франшиза. Анџелина на својата ќерка Захари ѝ позајми блескав фустан од Ели Сааб што го носеше на Оскарите во 2014 година, во кој тинејџерката изгледаше одлично.
Зои Кравиц
View this post on Instagram
Според британското издание на магазинот „Vogue“, листата на најдобро облечени жени во светот не може да помине без Зои Кравиц. Нејзината способност да се трансформира од девојка од соседството во гламурозна дама е она што „Vogue“ го истакнува како нејзина најголема модна особина.
Синтија Ериво
View this post on Instagram
На секој црвен тепих што го прошета оваа година, британската актерка успеа да блесне со своите модни комбинации. „Облеката е навистина само продолжение на она што сум… приказни што можам да ги раскажам… изјави што можам да ги дадам!“, призна таа во големото интервју за модната библија оваа година.
Никола Кофлан
View this post on Instagram
Ѕвездата на серијата „Bridgerton“ ги украде срцата на редакцијата на „Vogue“ со својата личност, а потоа и со модните избори забележани оваа година. На свечените настани, Кафлан редовно се појавуваше во креации на реномирани дизајнерски имиња на британската модна сцена, од дизајнерката Симон Рош до Моли Годар.
