Актерката Мишел Фајер, една од најубавите холивудски актерки на социјалните мрежи објави селфи фотографија на која е без шминка.
Таа на фотографијата е облечена во сив дуксер, а позира во опуштената атмосфера на својот дом.
Актерката оствари неколку улоги кои ја вивнаа во небото на славните како што се „Лице со лузна“ од 1983 година, а потоа и во филмовите „Доба на невиноста“, „Еден убав ден“ и „Опасни умови“. За улогата во филмот „Опасни врски“ доби значајна актерска награда „БАФТА“, а за улогите во филмовите „Фантастичните браќа Бејкерс“ и „Поле на љубов“ беше номинирана за Оскар за најдобра главна женска улога.
Мишел неодамна изјави дека по успешната кариера одлучила да работи само повремено за да се грижи за своите деца, ќерката Клаудија Роса и синот Џон Хенри, пишува „Foxnews.com“.
