Милијардерот Илон Маск призна дека држи диета и се зафатил со строг режим на исхрана – периодично постење, откако се појавија на социјалните мрежи негови фотографии на кои изгледа во многу лоша форма ова лето.
„По совет на добар пријател, се префрлив на периодично постење и се чувствувам поздраво“– напиша на Твитер најбогатиот човек на светот.
Одлуката на Маск се должи на фактот што неговата физичка форма неодамна беше исмејувана на социјалните мрежи. Тогаш вирални станаа фотографиите на сопственикот на Tesla и SpaceX со голо торзо, направени на јахта, за кои и самиот признава дека е во катастрофална (телесна) состојба.
Shirtless Elon Musk vacations in Mykonos on luxury yacht https://t.co/xH4luUMTgr pic.twitter.com/j4N21y5wWT
— Page Six (@PageSix) July 18, 2022
Но, се случи и (не)очекуваното.
По изјавата на Маск дека ослабел 9 килограми, пристигнуваат мемиња за мајтап на негова сметка.
„До следното лето ќе биде со плочки“, напиша еден корисник.
Во коментарите, претплатниците на Маск претпоставуваа и како би изгледал милијардерот наскоро.
„Изгледа дека ваков ќе бидеш наскоро“.
Инаку, наизменичното постење – диетата на која се придржува Маск – се нарекува и холивудска диета, бидејќи меѓу познатите има многу обожаватели на оваа диета. На пример, Џенифер Анистон, Хали Бери, Кортни Кардашијан, Скарлет Јохансон и други прибегнуваат кон овој метод за одржување на формата.
Принципот на периодично постење е да се избегне храна одреден број часови дневно. Соодносот 16/8 е популарен: за 16 часа (вклучувајќи ноќен одмор) постење односно гладување, а во преостанатите 8 часа можете да јадете каква било храна во рамките на калориската норма.
