Сосема нов имиџ има поп-пејачот Ламбе Алабаковски, и ако подобро не погледнете на новите слики кои ги објавил на Фејсбук, тој е речиси непрепознатлив.
Ламбе настапил во Струмица, со своите колеги, како дел од проектот „Македонијо, во срце те носиме“, и како што се гледа на сликата, струмичкиот плоштад бил преполн со публика од повеќе генерации.
Ламбе ја испеал песната „Како Пиреј“ која неодамна ја преработи, во придружба на музички состав од народни инструменти, а она што може да се забележи е голема промена во неговиот имиџ.
Пејачот сега има многу кратка коса, за разлика од порано, а она што е исто така забележливо е и проимената на имиџот од поспортски во поелегантен, a носи и брада.
По пет години откако живееше во САД, Ламбе Алабаковски во 2021 година се врати во Македонија, во Битола, со сопругата Магделена и со синовите Михаил и Димитриј, а често оди и во неговото родно преспанско село Љубјно.
