Канје Вест и Ким Кардашијан го делат старателството над нивните четири деца, што, како што рече во едно интервју минатата година Ким, и е многу тешко со оглед на различните јавни испади на раперот.
Реалити ѕвездата се пожали дека раперот и дизајнер нема обезбедување во неговиот стан, каде повремено престојуваат нивните две ќерки и двата сина.
Децата на поранешниот пар често се гледаат во друштво на нивната маќеа, Бјанка Ценсори, а каков впечаток остава на децата се гледа на цртежот на Норт Вест (10) на кој главни ѕвезди се нејзиниот татко и неговиот оскудно облечена партнерка.
На тој цртеж Бјанка Цензори е речиси гола, носи само чизми, а на задникот има мини танга.
Цртежот е објавен на заедничкиот профил на Ким Кардашијан и Норт Вест на Тикток. Во меѓувреме беше избришан, но сепак беше зачуван навреме да се направи принтскрин, и сега е предмет на критики упатени кон оваа позната маќеа, а веројатно и кон Вест. Медиумската ѕвезда е критикувана што и дозволила на нејзината ќерка да го објави тој цртеж (цртежот може да и зададе сериозна главоболка на Ким Кардашијан и да предизвика нова кавга со поранешниот сопруг), а вистинското прашање е моделот со кој расте Норт и каков ефект навистина има врз неа.
Заедно со цртежот, девојчето навело три работи за кои е тажна, а првата е новиот албум на нејзиниот татко Vultures 1, кој е изваден од Apple Music. Втората е луѓето кои придонесоа тој албум да го види светлото на денот, а третата е песната „Карневал“, која нормално изобилува со вулгарен текст.
Цртежот беше објавен откако извор за Дејли Меил изјави дека Ким го предупредила Канје дека Бјанка не треба децата да ја гледаат гола, бидејќи таа е веќе позната по своите разголени стајлинзи.
