Две големи тажни случки го одбележаа животот на пејачката Искра Трпева-Арсовска. Таа и сопругот Благоја го загубија синот само четири дена откако се роди. А Искра, за жал, 2021 година ја испрати со тажна случка, откако почина татко ѝ.
Таткото на Искра, Ванчо Трпевски, беше познат спортски работник. Непроценлив е придонесот на Ванчо Трпевски во Вардар, тренер кој го посвети целиот живот на црвено-црните.
Најголемиот дел од својот цел тренерски стаж го мина посветувајќи им најголемо внимание на младите категории во младинско-пионерското училиште „Кирил Симоновски – Џина“. Трпевски беше селектор-тренер на пионерската, јуниорската и сениорската селекција на Македонија во поранешна Југославија, а беше и селектор на јуниорската и на младата селекција во Македонија.
Искра се сети на својот татко на неговиот роденден, и на својот инстарам-профил напиша: „Денес беше твојот ден тато. Многу ми фалиш и требаш, многу.“
Таа и сопругот Благоја денес се среќни родители на Ангела која е тинејџерка и изучува музика. А, Искра е инаку професорка во средното музичко училиште „Илија Николовски-Луј“ во Скопје.
Иако болни случки одбележаа дел од нејзиниот живот, Искра Трпева е секогаш позитивна и насмеана. Во една прилика, таа сосема кусо за синот Петар рече: „Почина само четири дена откако се роди. Тој е дел од мојот живот и ќе биде сè додека постојам“.
Ќерката Ангела во јуни наполни 14 години, а Искра во таа прилика за својата најмила напиша: „Среќна 14-ка мами. Мојата бесконечност си. Љубов“. Таа е причина за Искра повторно да се смее.
