Новогодишната елка која е поставена на главниот плоштад во Скопје е хит на социјалните мрежи ширум регионот.
Имено, луѓето од регионот споделуваат фотографии од новогодишната елка во центарот на Скопје која, коментираат дека не само што изгледа бедно туку и дека не е целосно украсена – горниот дел е неукрасен, но изгледа дека е и искривен. Никој не знае зошто елката не е целосно украсена, ниту која компанија ја поставила.
„Какви луѓе, таква е и елката на плоштадот: сиромашна, ужасна, грда на поглед“, гласи еден од коментарите на социјалните мрежи.
„Голем број туристи од сите страни на светот пристигнуваат во Скопје да се фотографираат со кривата елка. Во хотелите се бара кревет повеќе“, пишува друг корисник на социјалните мрежи, со сатирична фотографија.
Голем број на туристи од цел свет почнаа да пристигаат во Скопје за да се сликаат со кривата елка. Во хотелите се бара кревет повеќе pic.twitter.com/YrkiKvRoYQ
— 100Marki (@100deutschemark) December 18, 2023
„Ако сакате да бидете оптимисти и позитивни, и да се чувствувате добро, погледнете како е украсено Скопје“, се наведува во друг коментар.
Ваква Елка нема ни на Аљи Експрес 😁#БлеснаСкупјенце ✨️ pic.twitter.com/BdnTMhUShH
— ХаНа🦋 (@HaNa_Taurus666) December 18, 2023
За сега никој од надлежните не се огласи.
