28-годишниот американски супермодел Џиџи Хадид и актерот Бредли Купер (48) се уловени заедно во Њујорк. Веста и фотографиите прв ги објави таблоидот Дејли Мејл.
Познатите личности уживаа во вечерата на изненадување на многумина, неколку месеци откако Хадид ја прекина романсата со Леонардо ди Каприо (48), кој сега е во врска со колешката – италијанска манекенка Виторија Серети.
Џиџи носеше кафеаво мини здолниште додека одеше покрај Купер и неговиот телохранител пред двајцата да влезат во истиот автомобил и да тргнат заедно во непознат правец.
Џиџи го комплетираше изгледот со бела кратка маичка и кожена јакна. Ѕвездата на модните писти со палестинско потекло носеше црни мокасини во комбинација со бели чорапи.
Бредли Купер носеше сина маица, карирана кошула и фармерки во комбинација со бејзбол капа и постојано гледаше во телефонот.
Потсетуваме, Купер и Ди Каприо се пријатели долги години, но првпат се запознале кога имале дваесет години, тогаш Бредли работел во хотел во Њујорк и ѝ помагал на ѕвездата од Титаник да стигне до неговата соба со куферите.
