Љубовната приказна меѓу Ким Кардашијан и Пит Дејвидсон траеше само девет месеци, а потоа и двајцата „одлучија да бидат само пријатели“, како што објави инсајдер минатата недела за Пејџ Сикс. Брза разделба, како и многу други во животот на Пит, што му даде инспирација на Канје Вест, најпознатиот поранешен сопруг на Кардашијан (Кардашијан претходно беше во брак и со Дејмон Томас и Крис Хамфрис) почетна точка за бизарна шега постирана на социјалните мрежи.
На Инстаграм, раперот, кој сега се вика Је, објави некролог користејќи лажна страница од Њујорк тајмс: „Скит Дејвидсон почина на 28 години“, пишува во објавата.
Јасна референца за дваесет и осумгодишниот комичар и водител, кому Вест претходно му го дал прекарот „Скит“ и за смртта на врската со Ким, која започна токму кога заврши нивниот брак. „Весникот“ го пренесува датумот на разделбата – понеделник, 8 август.
На многумина воопшто не им се допадна идејата на Вест, го обвинија за со лош вкус, но и за тоа што „тој посакува смрт на 28-годишен маж“, трети пак, веќе заклучија дека Вест е секако„проблематична личност, полна со незадоволство и неспособна да управува со сопствените негативни емоции“.
„Како обожавател го мразам ова, порасни“, предложи еден од следбениците. „Засрами се, фокусирај се на својата работа и на твоите деца“, повика друг следбеник. По полемиката, раперот повторно го „заклучи“ својот Инстаграм профил, правејќи го недостапен за сите да го видат, но штетата веќе е направена.
