Манифестацијата на 47. доделување на француските национални филмски награди Цезар, која се одржа во петокот, оваа година го одбележа неочекуваниот „настап“ на француската комичарка Мари Бенолиел.
Бенолиел се качила на сцената и го подигнала фустанот, покажувајќи го задникот пред жири-комисијата и пред публиката.
„Еве го мојот задник, данок на културата, непоразени гледачи, вие кои преживеавте, ви го покажувам мојот задник за да ве уверам дека не кријам ништо.“, рекла Бенолиел.
Откако по социјалните мрежи се проширија бројни критики и многумина го вброија ова нејзино „издание“ како „нешто најсрамно што се случило во историјата на наградата Цезар“, Мари се огласи на Инстаграм каде што напиша дека е горда што е „катарза на францускиот срам“.
