Американската актерка Мила Јовович (46) има украинско, руско и српско потекло, а поради кризата во Украина на Инстаграм објави долг опис во кој се присетува на теророт од војната.
-Со скршено срце, запрепастена, се обидувам да ги процесуирам настаните од оваа недела во мојата родна Украина. Мојата земја и народот се гранатирани. Семејството и пријателите се кријат. Мојата крв и корените потекнуваат и од Русија и од Украина. Растргната сум на два дела додека го гледам хоророт, земјата се уништува, семејствата се раселуваат… Се сеќавам на војната во татковината на мојот татко, во поранешна Југославија, и на приказните на моето семејство за траумите и теророт што ги доживеале. Војна. Секогаш војна. Лидери кои не можат да донесат мир. И секогаш народот плаќа со крвопролевање и солзи – напиша Јовович.
Минатата година Мила се потсети на членовите на семејството кои учествувале во Втората светска војна во редовите на југословенските партизани.
– Дедо ми по татко, Богдан Јовович, се борел во редовите на југословенските партизани. Може да се каже дека потекнувам од семејство на борци, војници и револуционери и горда сум на моето наследство и на неверојатните луѓе од кои потекнувам – напиша таа по тој повод на Инстаграм.
