Ева Лонгорија прозборе на тема абортус и неодамнешната одлука на Врховниот суд на САД.
Актерката, актуелна со филмот Tell it like a Woman („Кажи како жена“) кој се претстави на Филмскиот фестивал во Таормина, Италија, изјавува дека оваа одлука на Врховниот суд е потврда на патријархатот што се уште е на сила.
„Ние жените сме мнозинство во светот и сигурно нема да молчиме. Она што се случува во мојата земја не враќа назад во времето“.
Ева Лонгорија, позната во јавноста по улогата на Габриела во ТВ серијата Очајни домаќинки, моментално гостува на фестивалот во Таормина. Актерката зборуваше на тема абортус по актуелната пресудата на Врховниот суд на САД:
„Не се случува често да соработувате со режисерки. Многу е полесно на телевизија, која на оваа тема е понапред од киното, но и двете се важни затоа што имаат влијание врз политиката и можат да ги променат работите“.
Ева Лонгорија е поддржувач на Демократската партија, а во минатото соработувала и со поранешниот американски претседател Барак Обама. Во врска со ова, актерката нагласува дека на Обама требало да му биде дозволено да избере судии во Врховниот суд; но чинот бил блокиран, подоцна, од Сенатот. Во моментов, во Судот имаат предност републиканците, што резултира со многу конзервативен Врховен суд и исто такви одлуки.
„Требаше Обама да именува нови судии во Врховниот суд, но именувањата беа блокирани од Сенатот и во тој момент Трамп интервенираше, со што влијаеше на мнозинските односи во Судот каде сега преовладуваат конзервативците. Работата е уште посериозна бидејќи судиите на рочиштето пред Сенатот уверуваа дека нема да ја сменат казната за абортус, ветување кое не се одржа и навистина беше поништено“.
