Драгана Мирковиќ стана баба кон крајот на минатата година и не ја крие својата среќа поради малата Ксенија, ќерката на нејзиниот син Марко Бјелиќ и снаата Мелани. Драгана отворено зборуваше за својата наследничка и истакна колку многу се приврзала за неа.
„Јас се топам кога ќе помислам на неа. Најискрено, таа е едно такво слатко детенце, сосема е нормално што секому својата ќерка или внука му е најдобра и најдрага, па така и мене“, рече најпрво Драгана Мирковиќ, па додаде:
„Навистина е мила, почна да ми подава рачиња кога ќе ме види, да се смее, едвај чека да ја земам. Многу е фантастична, навистина!“
„Знаеш што сака? Обожава кога ѝ пеам. ѝ растат запчињата, па кога е нервозна затоа што ја боли, почнувам да ѝ пеам и таа се смирува. Не можам да поверувам, сериозно, толку, толку многу го сака тоа, ги мести усничките како да сака и таа да пее со мене, тоа ми е фасцинантно. Таа е мала, има само седум месеци. ѝ ја пеам песната: „Ксенија, Ксенија, дали знаеш колку те сакам јас“, тоа малку го изменив текстот на песничката, односно: „Мамо, мамо, дали знаеш…“, ѝ пеам и староградски песни. „Спиј, спиј, мое мило злато…“, знаев со таа песна да ја заспијам“, рече Драгана воодушевено, со голема насмевка на лицето за „Екстра Еф-ем“.
Да потсетиме, Марко Бјелиќ минатата година се ожени, а потоа доби прво дете со Мелани. Тие живеат во Беч во замок заедно со пејачката, но како што Драгана претходно наведе, секој има свој кат.
