Џони Деп(58) ќе го толкува францускиот крал Луј XV во претстоен филм во режија на француската режисерка Маивен Ле Беско, пишува „Variety“.
Ова е првата улога на Џони Деп по филмот „Minamata“ од 2020 година и се случува во време на неговата тековна правна битка за клевета со поранешната партнерка Амбер Херд во врска со обвиненијата за семејно насилство.
На Џони Деп му беше дозволено да продолжи со тужбата за клевета против Амбер Херд
Филмот ќе започне со снимање ова лето и ќе се одвива три месеци на локација низ париските знаменитости, вклучувајќи ја и Версајската палата.
Дејството ќе се „одвива околу Луј XV, кој го доби прекарот „миленик“ и владееше 59 години, најдолго во историјата на Франција по Луј XIV. Парадоксално, Луј XV умре како непопуларен крал откако беше обвинет за корупција и разврат“.
Иако тој ги изгуби симпатиите на Холивуд по обвиненијата и неговиот случај за клевета против британскиот таблоид „The Sun“, Деп не се соочи со големи реакции во Европа.
