Актерот (58) ја тужи својата поранешна сопруга поради објавување на „Вашингтон пост“ во 2018 година, каде што Херд, 35, пишувала за преживеано семејно насилство. (Херд никогаш не го именуваше Деп во објавениот текст, но таа го обвини актерот за семејно насилство среде нивната разделба во 2016 година, кое тој го негираше.)
Во судските документи добиени од „Пипл“, судија од Вирџинија му даде право на актерот да продолжи со неговата тужба, одбивајќи ја дополнителната молба на Херд да го отфрли случајот откако Деп ја загуби тужбата за клевета во Велика Британија против британскиот таблоид „Сан“.
Во ноември 2020 година, Деп го загуби својот случај против британскиот таблоид кој го нарече „жено-тепач“. Судот ги потврди тврдењата на весникот како „суштински вистинити“.
Апелот на Херд за отфрлање на тужбата на Деп, поднесена во Вирџинија во март 2019 година, дојде откако актерката тврди дека пресудата на Обединетото Кралство треба да влијае врз постапките во САД, бидејќи двете тужби се фокусираат на обвинувањата за актерот како насилник.
