Најпознатата балканска старлета Станија Добројевиќ отворено проговори за своите емотивни порази и желбата конечно да се оствари како мајка. Таа призна дека, иако материјално е обезбедена, на приватен план сè уште ја бара вистинската среќа.
Во рамките на реалното шоу „Задруга 9 Елита“, Станија одговори на коментарите дека не е емотивно исполнета, откривајќи детали од нејзините врски со моќни мажи, вклучувајќи го и мистериозниот милијардер, но и контроверзниот Асмин.
„Милијардерот ме тераше да гледаме цртани“
Станија откри дека животот со светските моќници не е секогаш како од бајките.
„Мислев дека со еден милијардер ќе имам совршен живот, дека ќе бидеме идеален пар, но тој ме тераше да гледаме цртани филмови наместо обични филмови. Не успеав да се поврзам со тие странци“, искрена беше старлетата.
Таа додаде дека и со Асмин верувала во подобра иднина, но дека работите брзо се распаднале.
Копнеж за семејство
И покрај луксузот и кариерата, Станија признава дека сега е вистинското време за мајчинство.
„Копнеам за семеен живот. Сакам семејство за кое ќе живеам. Да родев дете пред десет или дваесет години, тоа би било несреќно. Сега би му се посветила максимално. Но, кај мене секогаш е исто – штом помислам дека сум среќна, сè се распаѓа“, изјави таа.
