Почина пејачот Саша Катанчиќ, а оваа вест ги потресе сите што го познаваа. Според првичните информации, причината за смртта била ненадеен срцев удар.
Саша Катанчиќ ја градел својата кариера со години настапувајќи по клубови, веселби и во дијаспората, каде што важел за пејач со огромен репертоар и препознатлива енергија.
Поширока популарност стекнал преку музички натпревари како „Ѕвездите на Гранд“, а подоцна се обидел и во „Пинкови ѕвезди“. Иако не стигнал до финале, останал запаметен по харизмата и специфичната боја на гласот.
Тој бил и учесник во реалити шоуто „Фарма“ во 2013 година. На имотот во Лисовиќ покажал дека е вреден, работлив и, за разлика од многумина, многу сталожен и мирен човек. Ги избегнувал конфликтите и се трудел со песна да ја подигне атмосферата меѓу учесниците.
Оние што го познавале го опишуваат како скромен човек кој најмногу ја сакал музиката и семејството, а надвор од сцената живеел повлечено.
Саша со години работел со Харис Џиновиќ на настапи, а му пеел и придружни вокали. Посебно се памети и коментарот на Џиновиќ, кој некогаш истакнал дека Саша бил негов клавијатурист долги години, нагласувајќи го неговиот талент и професионалност.
