Познатата фолк-пејачка Татјана Лазаревска, која веќе со години живее и работи во Австралија, сподели емотивни фотографии од меѓународниот аеродром во Мелбурн.
Повод за објавата е испраќањето на нејзината мајка, Снежана Лазаревска, која по престојот кај својата ќерка и семејството во далечната земја, се враќа во родната Македонија.
Лазаревска, видно расположена и во друштво на својата мајка, напиша емотивна порака со која ѝ посака среќен пат:
„Среќен пат и мирно небо, мамо Снежана Лазаревска… се гледаме во јули во Македонија“, стои во објавата на пејачката.
Татјана планира посета на татковината веќе ова лето. Иако со сопругот Новица и нивните синови успешно ја градат својата иднина „преку океанот“, тие често нагласуваат колку им значат семејните врски и моментите поминати со најблиските кои се во Македонија.
Летните периоди вообичаено се резервирани за македонската естрада која живее во дијаспората да се врати дома, како за одмор, така и за бројните музички настапи и гостувања кои ги очекуваат низ земјава.
