Поранешниот сопруг на поп-ѕвездата Јелена Карлеуша, Душко Тошиќ, повторно го привлече вниманието на јавноста, овојпат поради нов избор на емотивен план.
Имено, Тошиќ изминатиот викенд бил виден во еден луксузен рибен ресторан во срцето на Врачар, каде уживал во друштво на атрактивна русокоса и нејзина пријателка. Ова е едно од неговите ретки појавувања со непозната девојка по бурниот развод од пејачката Јелена Карлеуша, со која со години беше во брак.
„Душко беше одлично расположен, цело време насмеан и опуштен. Седнаа на поголема маса, нарачуваа разни морски специјалитети, а виното постојано се точеше. Вечерта одминуваше, а тие не покажуваа намера да си заминат, напротив, останаа меѓу последните во локалот“, изјавил извор.
Според неговите зборови, како што одминувала ноќта, атмосферата станувала сè поприсна.
„Во еден момент целосно се опуштија и престанаа да обрнуваат внимание на другите гости. Разменуваа нежности, се допираа и се смееја, делуваше како да уживаат во секој момент. Хемијата меѓу нив беше повеќе од очигледна“, додал изворот.
Мистериозната русокоса не помина незабележано, а многумина го коментираа нејзиниот изглед.
„Девојката е многу атрактивна, висока и негувана, а некои веднаш забележаа дека потсетува на Карлеуша. Каде и да се поместеа, погледите беа вперени кон нив“, заклучил изворот.
