Босанскохерцеговската модна дизајнерка Мелина Џиновиќ оваа сабота ќе стапи во брак со британскиот бизнисмен Џефри Пол Арнолд Деј, објавија српските медиуми.
Извор навел дека гостите пристигнуваат во Монако од целиот свет, каде што им е обезбедено сместување во еден од најлуксузните хотели.
„Планирана е и свадбена церемонија, а до локацијата каде што ќе се одржи, ќе се патува со организиран превоз, со хеликоптер или јахта. Прославата ќе биде во еден од најдобрите хотели, омилено место на богаташи и милијардери од целиот свет“, изјавил извор за српски медиум.
Кумата на Мелина ќе биде Гордана Кариќ. Во Монако веќе пристигнале нејзините родители и брат, а српските медиуми објавија дека нејзиниот син Кан нема да присуствува на свадбата.
Прославата ќе трае неколку дена. Босанскохерцеговската дизајнерка во 2024 година се разведе од Харис Џиновиќ по 23 години брак, а нивниот развод помина бурно.
Минатата година се сврши со Џефри Пол Арнолд Деј, а врската се обидуваа да ја држат подалеку од очите на јавноста. Сепак, неодамна беа фотографирани на модна ревија во Париз.
