Пејачката Ана Николиќ објави нови снимки од веридбата со својот партнер Горан Ратковиќ Рале, кои веднаш привлекоа внимание на социјалните мрежи.
Таа сподели моменти од прославата во нивниот дом на Авала, каде се гледа дека двајцата биле во одлично расположение, славејќи со прозаеко, многу насмевки и бакнежи.
Ана откри дека неодамна официјално кажала „да“, но во свој стил нагласи дека патот до олтарот не мора да биде брз:
„Бидејќи целиот свет зборуваше дека сум се омажила, а не сум, еве денес кажав ‘да’. Но од моето ‘да’ до олтарот патот е долг, а со Сралето сите патишта се подолги. Така што, ништо не се знае до самиот крај“, вели таа во видеото.
На тоа, Рале низ смеа ѝ возвратил: „Со мене патиштата се пократки.“
Во видеата може да се види како двајцата играат, се смеат и постојано разменуваат нежности, додека атмосферата е опуштена и интимна, далеку од класичните гламурозни прослави.
Веридбата, според објавеното, се одржала во нивното домашно студио, што дополнително ја нагласува нивната неконвенционална и спонтана љубовна приказна.
