70-годишната американска ТВ водителка и медиумски магнат Опра Винфри е хоспитализирана поради стомачни проблеми. Ова се случило пет месеци откако таа признала дека земала лек за слабеење – Оземпик, пишува Deadline.
„Имаше нешто како вознемирен стомак, стомачен грип, со дијареа и повраќање. Нема да навлегувам во детали. Но секако дека заврши во болница, дехидрирана, ја ставија на интравенска терапија, зашто е многу сериозна работа“, изјави за новинарите 69-годишната пријателка на Винфри, Гејл Кинг.
На прашањето за моменталната здравствена состојба на Опра, Гејл одговори дека „ќе биде добро“.
„Се надевам дека таа не е лута на мене што го споделив тој детаљ (се мисли за конзумацијата на скапиот лек за слабеење Оземпик)“, додаде Гејл.
Опра требаше да се појави во утринската емисија на 11 јуни за да го претстави својот најнов избор на клубот за книги, но таа мораше да го откаже снимањето. Кинг пак, е ководителка на шоуто.
Иако Винфри не можеше лично да ја пренесе својата најнова препорака за книга, таа ја сподели на Инстаграм. За годишните одмори таа ја препорачува книгата „Familiaris“ на Дејвид Вроблевски.
