Житните производи се блокирани во пристаништата на Црно Море под руска контрола. Обединетите нации ги надгледуваат тековните преговори меѓу Русија и Украина, со посредство на Турција, за решавање на ќор-сокакот.
Воени делегации од Русија и Украина, со посредство на Анкара, денес ќе се сретнат заедно со претставници на ОН за да разговараат за безбедно ослободување на украинскиот извоз на пченица. Ова го посочи турскиот министер за одбрана Хулуси Акар, цитиран од руската агенција Тасс: „Воените делегации на Турција, Русија и Украина и делегација на Обединетите нации утре (односно денес) во Истанбул ќе водат разговори за безбеден транспорт на жито од украинските пристаништа на меѓународните пазари по море“, прецизира тој за новинската агенција Ројтерс.
Во средината на минатиот месец беше воспоставен канал за комуникација меѓу генералите на Русија, Украина и Турција за координирање на извозот на жито. Потоа, министерот Акар разговараше со Сергеј Шојгу, а потоа со Алексеј Резников (министрите за одбрана на Русија и Украина), а турската воена делегација подоцна се сретна со руска, а потоа и со украинска делегација.
