Бруклин Бекам Пелц ги негира несогласувањата меѓу мајката Викторија Бекам и сопругата Никола Пелц Бекам. „Не е точно дека не се согласуваат“, изјави тој за Варајети во интервјуто кое имаше цел да го претстави како готвач, односно како „целосно самоук“ готвач.
Сепак, меѓу два рецепти тој не можеше да се воздржи а да не прозбори за наводната криза меѓу свекрвата и снаата, криза родена – според британските таблоиди – за време на подготовката на венчавката и криза која потоа експлодираше во следните недели.
„Никола ми кажа дека се појавиле озборувања затоа што избрала фустан на Valentino Couture, наместо да носи венчаница дизајнирана од мајка ми“, искрено објасни Бруклин. „Но, зад овие тречеви нема никакво несогласување: едноставно, ателјето на мајка ми немаше време да го доврши фустанот за датумот на венчавката и Никола и таа мораше да направи друг избор. Не беше Никола таа што рече „не сакам“ и не беше мајка ми таа што рече „не може“, објасни тој.
Понатаму во разговорот Бруклин уште еднаш негира дека постојат кавги во семејството:
„Сите добро се согласуваме. Едноставно има и такви луѓе кои уживаат да создаваат раздор“, прецизира тој.
А за да го поддржи во изјавите, сега се појави конечно и Викторија Бекам, која заедно со Дејвид, на своите социјални мрежи му честитаат на нивниот син Бруклин за насловната страница на Variety.
