Поранешниот сопруг на Бритни Спирс, Кевин Федерлајн на суд ќе си ги бара правата за алиментација на двете деца, сума која сега, како што пишува порталот ТМЗ, ја зголемил на 40.000 долари месечно затоа што децата живеат со него.
Шон Престон (17) и Џејден Џејмс (16) живеат со својот татко во последните неколку години, а минатиот месец со него се преселиле на Хаваи.
Порталот TMZ пишува дека денеска нивниот најстар син наполни 18 години и затоа Бритни не треба да дава алиментација за него, но ќе мора да плаќа за нивниот втор син Џејден до јуни 2025 година.
Неговиот адвокат Марк Винсет Каплан претходно изјави дека момчињата долго време не биле во контакт со нивната мајка и дека повторно почнале да комуницираат со неа дури во јули оваа година.
Спирс беше во брак со Федерлајн од октомври 2004 до јули 2006 година, а синовите ги роди во 2005, односно 2007 година.
Инаку, Бритни сега се разведува и со вториот сопруг Сем Асгари.
