Бритни Спирс и Сем Асгари предизвикаа гласини за раскинување откако беа забележани без бурми. Тоа го пренесува Daily Mail.
Бритни Спирс (41) беше фатена од папараците кога излезе од својот автомобил и се упати кон својот приватен авион за да оди на Хаваи со нејзиниот менаџер Кејд Хадсон. На сликите се гледа дека венчалниот прстен на Бритни и недостасува на прстот. Многумина почнаа да шпекулираат дека токму Кејт е новото момче на Бритни и до некаде и причина за разделбата на пејачката со Сем.
Истиот ден, сопругот на пејачката Сем Асгари е виден како се шета во Лос Анџелес, исто така без бурма.
Бритни Спирс го запозна Сем Асгари во 2016 година, се верија во 2021 година, а се венчаа во јуни 2022 година. Бракот со Асгари беше трет за Спирс. Првиот сопруг на пејачката беше новинарот Џејсон Александер, но во брачен статус останаа само 55 часа. Од 2004 до 2007 година, Бритни беше во брак со танчерот Кевин Федерлајн, со кого има два сина: 17-годишниот Шон Престон и 16-годишниот Џејден Џејмс.
